!! शिवपंचाक्षरस्तोत्र !!
नागेन्द्रहाराय त्रिलोचनाय भस्माङ्गरागाय महेश्वराय ।
नित्याय शुद्धाय दिगम्बराय तस्मै नकाराय नमः शिवाय ॥ १॥
मन्दाकिनि-सलिलचन्दन-चर्चिताय नन्दीश्वर-प्रमथनाथ- महेश्वराय ।
मन्दारपुष्प-बहुपुष्प-सुपूजिताय तस्मै मकाराय नमः शिवाय ॥ २॥
शिवाय गौरीवदनाब्ज-वृन्द-सूर्याय दक्षाध्वरनाशकाय ।
श्रीनीलकण्ठाय वृषध्वजाय तस्मै शिकाराय नमः शिवाय ॥ ३॥
वसिष्ठ-कुम्भोद्भव-गौतमार्यमुनीन्द्र-देवार्चितशेखराय ।
चन्द्रार्क-वैश्वानरलोचनाय तस्मै वकाराय नमः शिवाय ॥ ४॥
यक्षस्वरूपाय जटाधराय पिनाकहस्ताय सनातनाय ।
दिव्याय देवाय दिगम्बराय तस्मै यकाराय नमः शिवाय ॥ ५॥
पंचाक्षरमिदं पुण्यं यः पठेच्छिवसन्निधौ ।
शिवलोकमवाप्नोति शिवेन सह मोदते ॥
॥ इति श्रीमच्छंकराचार्यविरचित शिवपञ्चाक्षर स्तोत्रं सम्पूर्ण ॥
Roman Transliteration and English Translation
!! śivapaṁcākṣarastotra !!
nāgendrahārāya trilocanāya bhasmāṅgarāgāya maheśvarāya ।
nityāya śuddhāya digambarāya tasmai nakārāya namaḥ śivāya ॥ 1॥
mandākini-salilacandana-carcitāya nandīśvara-pramathanātha- maheśvarāya ।
mandārapuṣpa-bahupuṣpa-supūjitāya tasmai makārāya namaḥ śivāya ॥ 2॥
śivāya gaurīvadanābja-vr̥nda-sūryāya dakṣādhvaranāśakāya ।
śrīnīlakaṇṭhāya vr̥ṣadhvajāya tasmai śikārāya namaḥ śivāya ॥ 3॥
vasiṣṭha-kumbhodbhava-gautamāryamunīndra-devārcitaśekharāya ।
candrārka-vaiśvānaralocanāya tasmai vakārāya namaḥ śivāya ॥ 4॥
yakṣasvarūpāya jaṭādharāya pinākahastāya sanātanāya ।
divyāya devāya digambarāya tasmai yakārāya namaḥ śivāya ॥ 5॥
paṁcākṣaramidaṁ puṇyaṁ yaḥ paṭhecchivasannidhau ।
śivalokamavāpnoti śivena saha modate ॥
॥ iti śrīmacchaṁkarācāryaviracita śivapañcākṣara stotraṁ sampūrṇa ॥